Қорақалпоғистон шароитида қорамол гўшти ишлаб чиқаришни такомиллаштириш

Аннотация

Диссертация ишининг долзарблиги ва зарурати. Дунѐ мамлакатларида чорвачилик қишлоқ хўжалигининг етакчи тармоқ ҳисобланиб, соҳани ривожлантиришга ва чорва молларининг маҳсулдорлигини оширишга алоҳида эътибор қаратилмоқда. Аҳолини сифатли гўшт ва сут каби муҳим озиқ-овқат маҳсулотлари билан таъминлашда қорамолчиликнинг ўрни беқиѐсдир. Ҳозирги кунда қорамолчилик ривожланган мамлакатларда қорамол гўшти ишлаб чиқариш талаб даражасида ташкил қилинган. Қорамол гўшти етиштиришда Бразилия (214,8 млн), Ҳиндистон (185,3 млн) АҚШ (93,7 млн) Хитой (83,2 млн) давлатлари етакчи ҳисобланади. Улар бунга қорамоллар бош сонини ошириш, махсус гўшт йўналишидаги қорамол зотларининг генетик потенциалидан тўлиқ фойдаланиш бўйича самарали тадқиқотлар олиб бориш, гўшт ишлаб чиқаришда янги, замон талабига мос келадиган технологияларни қўллаш орқали эришилмоқда.