Ҳар хил тип шохланишга эга бўлган ингичка толали пахта навларининг фотосинтез,донорлик акцепторлик муносабатлари ва маҳсулдорлик кўрсаткичлари

Аннотация

Жаҳонда янги иқтисодий муносабатларга ўтиш билан боғлиқ ҳолда қишлоқ хўжалигига берилаётган эътибор кучаймоқда ва бунда пахтачиликни ривожлантириш, пахта ҳосилдорлигини ошириш ва ғўзанинг янги навларини яратишга янада кўпроқ эътибор қаратилмоқда. Шунга кўра ҳудудларнинг тупроқ-иқлим шароитларини инобатга олган ҳолда ингичка толали ғўзанинг тола сифати юқори бўлган, касаллик ва зараркунандаларга чидамли, тезпишар, серҳосил навларини яратиш, уларнинг экин майдонларини кенгайтириш, янги ва истиқболли навлари уруғларини кўпайтириш ҳамда етиштириш агротехнологияларини ишлаб чиқишни рағбатлантириш механизмини жорий этиш бўйича олиб борилаётган тадқиқотлар асосида қатор натижаларга эришилмоқда.