Тукли чигитларни минерал ўғитлар билан қобиқлайдиган қурилмани ишлаб чиқиш ва параметрларини асослаш

Аннотация

Диссертация мавзусининг долзарблиги ва зарурати. Жаҳонда қишлоқ хўжалик экинлари уруғи, жумладан, уруғлик чигитларга экиш олдидан кимёвий дорилар билан ишлов бериш ҳамда уларни сочилувчанлигини ошириш учун энергия ва ресурстежамкор ҳамда иш унуми юқори бўлган технологиялар ва техник воситаларни ишлаб чиқиш ҳамда амалиётга жорий этиш етакчи ўринлардан бирини эгалламоқда. Республикада ҳам кейинги йилларда уруғчилик соҳасини тубдан такомиллаштириш, сифатли ва рақобатбардош маҳсулотларни ишлаб чиқариш ҳажмини ошириш бўйича муҳим қарорлар ҳамда кўплаб чора- тадбирлар амалга оширилмоқда. Қишлоқ хўжалик экинлари уруғини экишга тайёрлаш, саралаш ва уларга кимёвий дорилар билан ишлов беришда ресурстежамкор технологиялар ва техник воситаларни ишлаб чиқишга алоҳида эътибор қаратилмоқда.