Бошқариладиган электр тизимлари ўткинчи ҳолатларини таҳлил этиш усуллари ва алгоритмлари

Аннотация

Диссертация мавзусининг долзарблиги ва зарурати. Жаҳонда электр энергияга бўлган талабнинг юқори суръатларда ўсиши натижасида энергетика тизимининг турғунлик заҳирасини аниқлашга алоҳида аҳамият берилмоқда. Шу сабабли, «истеъмолчиларни узлуксиз электр энергия билан таъминлаш учун, биринчи навбатда энергетик тизимларининг турғун ишлашини таъминлаш талаб қилинади»1. Энергетика соҳасининг ҳавфсизлиги, унинг ишончлилиги ва самарадорлиги давлатнинг барқарор ривожланиши учун ҳал этувчи унсурлардан ҳисобланади. Шу билан бир қаторда, ўткинчи ҳолатларни самарали таҳлил этиш ва уларни бошқариш, энергетик тизимларининг эксплуатацион кўрсатгичларини яхшилаш каби масалалар муҳим аҳамият касб этади. Бу борада, жумладан, замонавий ҳисоблаш усуллари ва интеллектуал бошқарув мосламаларини қўллаш орқали электр энергетик тизимларининг турғунлиги ва динамик хусусиятларини оширишга қаратилган тадқиқотларга алоҳида эътибор қаратилмоқда.