Таълимда интеграллашган ахборот тизимлари моделлари, алгоритмлари ва дастурий таъминотини ишлаб чиқиш (ички ишлар тузилмаси фаолияти ва жараёни мисолида)

Аннотация

Диссертация мавзусининг долзарблиги ва зарурати. Бугунги кунда жаҳонда таълим тизимида замонавий ахборот-коммуникация технологияларидан кенг кўламда фойдаланиб, ўқув жараёни бошқарувининг модел, усул, алгоритм ва дастурий мажмуаларини ишлаб чиққан ҳолда ягона интеграллашган ахборот тизимлари муҳитини ҳосил қилиш асосида маълумотлар базасини шакллантиришга йўналтирилган илмий-тадқиқот ишларини амалга оширишга алоҳида эътибор қаратилмоқда. Ушбу соҳада жаҳоннинг бир қатор ривожланган мамлакатларида, хусусан, Жанубий Корея, Япония, Буюк Британия, АҚШ, Германия, Финляндия ва Ўзбекистонда давлат бошқарувига электрон ҳукумат тизимини кенг жорий этиш орқали давлат ҳокимияти органлари, тадбиркорлик субъектлари, айниқса, фуқароларга турли интерактив давлат хизматларини кўрсатишда ислоҳотларни тизимли равишда амалга ошириш муҳим аҳамият касб этмоқда.