Полиэтилентерефталат ва полиолефинлар чиқиндилари асосида ресурстежамкор композицион материаллар яратиш

Аннотация

Диссертация мавзусининг долзарблиги ва зарурати. Дунёда, синтетик полимерларга бўлган эҳтиёж 2020 маълумотларига кўра йилида 350 млн тоннадан ортиқни ташкил этмоқда. Уларнинг орасидан энг катта улуш полиэтиленга (ПЭ) 100,0 млн, кейинги ўринда полиэтилен-терефталатга (ПЭТ) 92 млн тонна, учинчи ўринда полипропиленга (ПП) 72,0 млн тонна, тўртинчи ўринда поливинлхлоридга (ПВХ) - 46,0 млн тонна тўғри келади. Прогнозларга кўра, яқин йилларда полимерларга бўлган талаб сезиларли даражада янада ошади. Бу полимерларга бўлган талабни ортиши ишлаб чиқариш унумдорлигини кенгайтириш билан бирга полимер чиқиндиларини қайта ишлаш технологиясини яратиш ҳамда улар асосида композицион материалар ва буюмлар олишни тақозо этади. Бундан ташқари яратилган композицион материалларни термик характеристикаларини ҳамда уларнинг физик-механик ва эксплуатацион хоссаларини ўрганиш муҳим аҳамият касб этади.