Ўзбекистон флорасидаги polygonum, alhagi, quercus ва platanus туркум ўсимликларининг фенол ва терпеноид бирикмалари

Аннотация

Диссертация мавзусининг долзарблиги ва зарурати. Бугунги кунда дунё миқёсида ўсимликлардан олинадиган дори воситаларига қизиқиш ва талаб кундан-кунга ортиб бормоқда. Бунга асосий сабаб уларнинг тиббиёт амалиётида қўлланиладиган синтетик дори воситаларига нисбатан кам заҳарлилиги, таъсир доирасининг кенглиги ва ишлатилиш миқдорининг озлигидир. Шунга кўра, табиий доривор воситалар манбаи бўла оладиган янги ўсимлик турларини излаш, улардан биологик фаол фенол ва терпеноид бирикмаларни ажратиб олиш, тузилишини тадқиқ қилиш, физик-кимёвий хусусиятларини аниқлаш, физиологик фаол янги моддаларни аниқлаш ва улар асосида самарали дори воситалар яратиш замонавий биоорганик кимё, фармацевтика ва тиббиёт олдидаги долзарб муаммолардан ҳисобланади.