Fizika II kursi bo’yicha taqdimot

Аннотация

Multimediali ma’ruzalar to‘plami Muhammad Al-Xorazmiy nomidagi Toshkent axborot teznologiyalari universitetida joriy etilgan kredit tizimidagi “Fizika II kursining fan dasturi mazmuni asosida yaratildi. Multimediali ma’ruzalar to‘plami texnika yo‘nalishida tahsil olayotgan talabalarning fizika fanini chuqurroq o‘zlashtirishlari va mustaqil shug‘ullanishlari uchun mo‘ljallangan. Multimediali ma’ruzalar O‘zbekiston Respublikasi Oliy va o‘rta maxsus ta’lim vazirligining 2017 yil 24-avgustdagi 601-sonli buyrug‘iga asosan chop etishga ruxsat berilgan, 2018 yilda, ISBN 978-9943-5145-0-8 grifi bilan “Aloqachi” nashtiyotida chop etilgan “Fizika” darsligi asosida tayyorlangan. “Fizika” darsligida xorijiy mamlakatlardagi etakchi oliy o‘quv yurtlarida (Madison University, California State Polytechnic University, Cambridge University, BISC, Yale Universiteti (AQSH), Myunxen texnika universiteti (TUM), Kyungpook National University) tayyorlangan, xususan: Physics for Scientists and Engineers with Modern Physics, Ninth Edition Raymond A. Serway and John W. Jewett, Jr. Publisher: Brooks Cole; 9 edition (January 17, 2013) va Physics Principles with Applications Sixth Edition by Douglas C. Giancoli University of California, Berkeley darsliklardagi ma’lumotlardan foydalanilgan. Darslikda boblarni o‘zlashtirish uchun ta’lim saytlari, masofaviy ta’lim platformalari, pedagogic dasturiy vositalar, testlovchi dasturiy ta’minotlar yordamida yaratilgan test savollari keltirilgan. “Fizika” darsligi internet texnologiyalaridan foydalanilgan holda http://fizika.uz va http://estudy.uz saytlari orqali qo‘llab – quvvatlanadi. Talaba shu sayt orqali darslikda keltirilgan mavzulardagi animasion roliklar, pedagogic dasturiy vositalar orqali namoyish tajribalarini ko‘rishlari mumkin. Talaba o‘zlashtirgan bilimlarini on-line rejimida test topshiriqlari orqali, http://fizika.uz, http://moodle.fizika.uz va http://estudy.uz ta’limni boshqaruvchi tizim orqali nazorat qilishlari mumkin.