Мол-мулк солиғини ҳисоблаш ва ундириш механизмини такомиллаштириш

Аннотация

Дуиёда мол-мулк солиги умумий солиқ тизимининг асосий элементи сифатида қаралади. Бугунги куша келиб дунёнинг 130 дан ортиқ давлатларида мол-мулкка солиқлар амал қилиши тўғрисида маълумотлар мавжуд. Аксарият давлатлар амалиётида мол-мулкка солиқлардан тушумлар маҳаллий бюджетларга йўналтирилган. Бундай тушумларнинг махаллий бюджетлардаги салмоғи ҳар давлатда ҳар хил, жумладан кўчмас мулкка солиқдан тушумнинг улуши Францияда 2,17 фоиз, Данияда 1,85 фоиз, Нидерландия ва Италияда 1,8 фоиз, Германияда 1,06 фоиз, Швсцияда 0,89 фоизни ташкил этган. Шу билан бирга, айрим ривожланган мамлакатларда мазкур солиқ нафақат маҳаллий бюджетларда, балки умумий давлат бюджстларида хам сезиларли улушга эга. Хусусан, Буюк Британияда кўчмас мулкка солиқлар жами бюджет даромадларининг қарийб 10 фоизини ташкил этади. Бу кўрсаткич АҚШда 9 фоизни, Канадада 8 фоизни ташкил этади. Бу кўрсаткичлар жаҳон амалиётида мол-мулк солиғини ҳисоблаш ва ундиришга алохида эътибор қаратилаётганлигидан далолат беради.