Емирувчи Муҳит Таъсирида Рангли Металлургия Эритиш Печларининг Ўтга Чидамли Ғиштларини Емирилишдан Ҳимоя Қилиш Технологиясини Ишлаб Чиқиш

Аннотация

Диссертация мавзусининг долзарблиги ва зарурати. Жаҳонда замонавий металлургиянинг энг долзарб муаммоларидан бири металл эритиш печларида қўлланиладиган ўтга чидамли материалларнинг термик хоссаларини ошириш, яроқлилик даврини узайтириш ҳамда таннарҳини пасайтириш алоҳида аҳамият касб этмоқда. Бугунги кунга қадар кўп компонентли бирикмалар асосида тайёрланадиган ўтга чидамли материалларнинг, жумладан ўтга чидамли ғиштларнинг ўрнини босувчи махсулот яратилмаганлиги ҳамда металлургик печлар деворлари анъанавий усулда қурилишини инобатга олганда ушбу технологияни тадбиқ этиш муҳим вазифалардан бири ҳисобланади. Бу борада ривожланган мамлакатлар, жумладан Россия, АҚШ, Япония, Германия, Австралия, Канада, Хитой, Туркия ва бошқа мамлакатларнинг илмий-тадқиқот марказларида металл эритиш печларида қўлланиладиган ўтга чидамли материалларни емирилишдан ҳимоя қилишга ҳамда яроқлилик даражасини оширишга алоҳида эътибор қаратилмоқда.