Қум ва тупроқларда структура ҳосил қилувчи сувда эрувчан полимерлар яратиш ва уларнинг коллоид- кимёвий хоссалари

Аннотация

Диссертация мавзусининг долзарблиги ва зарурати. Бутун дунёда кўчма қумларни шамол эрозиясидан мустаҳкамлаш ва структура шаклланиши туфайли етарлича мустаҳкам сирт қобиғини яратиш орқали уларнинг атмосферага кўтарилишини олдини олиш муаммоси долзарб ҳисобланади. Бу соҳадаги муҳим истиқболли йўналишлардан бири қўчма тупроқ ва қум дисперсларида арзон, топилиши осон саноат чиқиндилари асосида олинган мустаҳкам структура ҳосил қилувчи янги мустаҳкамловчи қўшимчалар олиш ҳисобланади. Кўчма қумларда ва тупроқ дисперсларида структура ҳосил қилишда мустаҳкамловчи полимер реагентларни танлаш ва уларнинг структура ҳосил қилиш жиҳатларини аниқлаш муҳим аҳамият касб этади. Таъкидлаш жойизки, катта майдондаги кўчма қум дисперсларини саноат чиқиндилари асосида олинган бириктирувчилар билан мустаҳкамлаш ва мустаҳкам структуранинг физик-механик ва кимёвий мелиорация усулларини аниқлаш муҳим аҳамиятга эга.