Li4,36ZSM-5 ва Na4,36ZSM-5 цеолитларида аммиак, углерод (IV) оксиди ва н-гептан адсорбция иссиқлиги ва изотермаси

Аннотация

Диссертация мавзусининг долзарблиги ва зарурати. Жаҳонда экологик вазиятни ёмонлашуви турли хил ишлаб чиқариш корхоналарнинг кўпайиши ва уларнинг ишлаб чиқариш ҳажмининг ошиши билан изоҳланмоқда. Бунда асосий омиллардан ишлаб чиқариш корхоналари чиқиндилари, атмоферага чиқаётган заҳарли газлар ва оқава сувларни мисол қилиш мумкин. Олимлар олдида эса уларни утилизация қилиш ҳамда регенерация қилиш каби долзарб масалалар турибти. Шундай муаммоларни ечимларидан бири бу адсорбцион тозалаш усулларидир. Бунда асосан турли хил табиий ва синтетик адсорбентлардан кенг фойдаланилади. Адсорбентларни қўллаш жараёнида уларнинг асосан физик-кимёвий ва энергетик хусусиятлари жуда муҳим ҳисобланади. Дисперс системаларнинг фаол марказларининг миқдори, кучи ва табиатини ўрганиш коллоид кимёнинг вазифаларидан бири бўлиб, адсорбция ва катализнинг кўплаб назарий масалаларини ечишда катта аҳамиятга эга.