ИЛК ЎРТА АСРЛАР МАРКАЗИЙ ОСИЁ ЦИВИЛИЗАЦИЯСИДА ТУРК-СУҒД МУНОСАБАТЛАРИ

Аннотация

Монография Марказий Осиё минтақасининг илк ўрта асрлар даври (V–VIII аср биринчи ярми)да кечган тарихий воқеликни турк-суғд муносабатлари доирасида очиб беришга бағишланган. Бу икки этнос Марказий Осиё цивилизацияси шаклланишида минтақада юз берган ижтимоий-сиёсий ва этномаданий жараёнларда муҳим роль ўйнагани тарихий мисоллар востасида ёритиб берилган. Китобда, туркийлар ва суғдийлар ўртасидаги муносабатлар асосида бу даврдаги давлатчилик ҳолати ва эволюцияси холис, илмий асосланган, манбаларга суянган ҳолда очиб берилган. Хусусан, илк ўрта асрларда вужудга келган Биринчи Турк хоқонлиги ва Суғд конфедерацияси ўртасидаги серқирра муносабатлар нафақат минтақадаги, балки ўзбек давлатчилиги эволюциясидаги ўзига хос бир босқич эканлиги алоҳида кўрсатиб ўтилган. Бу жараёнларнинг минтақада кузатилган кейинги даврлардаги давлатчилиги анъаналарининг ривожланиши ва ўзбек халқининг этник шаклланишидаги ўзига хос ўрини манбавий маълумотлар билан асосланган. Ушбу монография тарихчилар, талабалар, ижтимоий соҳа мутахассислари ҳамда мазкур масала билан қизиқувчи китобхонлар оммосига мўлжалланган.