Алоқа хизматларини кўрсатувчи субъектларда сегментлар ҳисоб ва аудитни такомиллаштириш

Аннотация

Жаҳонда алока соҳаси ижтимоий-иктисодий тараққиётнинг мухим “локомотиви” сифатида тан олинган. Манбаларга кўра, “Европа Кенгашига кирувчи давлатларда меҳнат унумдорлигини ошишидан олинган 50 % самара алока ҳисобидан эришилади; интернет хизматларига инвестицияларни 10% га ошиши ялпи ички маҳсулот (ЯИМ)ни 1-2%га ошишига олиб келади; 2020 йилнинг бошига дунё миқиёсида 4,5 миллиарддан ортиқ одамлар интернетдан фойдаланмокда, 3,8 миллиарддан ортиқ одамлар ижтимоий тармоққа кирмокда, 5,19 миллиарддан ортиқ кишилар мобил телефонга эга. интернетга мурожаатларнинг 53 фоизи мобил телефонлар, 44 фоизи шахсий компьютерлар орқали амалга оширилмоқда; 64% британияликлар савдо сотиқларни мобил алоқа орқали онлайн режимида амалга оширадилар”. Ушбу ҳолатдан кўриниб турибдики, бугунги кунда дунёда алоқа хизматларининг сегментар ҳисоби ва аудитни такомиллаштириш ўта долзарб масала хисобланади. Жаҳон амалиётида мобил алоқаси, интернет хизматлари, экспресс-почта ва бошқа ахборотлаштириш хизматларини кўрсатиш, ушбу хизматларга ихтисослашган субъектларда корпоратив бошқарувни, бухгалтерия ҳисоби ва аудитни халқаро миқиёсда тан олинган усул ва услублар, шунингдек юксак технологиялар ва стандартлар асосида такомиллаштиришга бағишланган илмий изланишларга катта эътибор қаратилган.