Эвфемизмлар типологияси ва лексикографик тадқиқи масалалари (рус ва ўзбек тиллари материаллари асосида)

Аннотация

Ҳозирги вақтда жаҳон тилшунослигида маълум бир халқ тилининг ўзига хос томонларини ўрганиш долзарб ва муҳим масалалардан бири бўлиб қолмоқда, чунки нутқ маданияти жамият маънавий маданияти ривожланишининг муҳим омилига айланмоқда. Улар орасида эвфемия тилга дахлдор бўлиб, ўзининг маданий, тарихий, ижтимоий ва лингвистик хусусияти билан мураккаб универсал коммуникатив ҳодиса ҳисобланади. Шу боис, дунё тилшунослигида замонавий илмий парадигма, яъни илмий жамоатчилик томонидан қабул қилинган рационал илмий фаолият модели доирасида эвфемизмларни янгича – миллий-маданий хусусиятлар нуқтаи назаридан жамиятнинг қадриятли йўналишларини аниқловчи ва инсон фаолиятининг энг муҳим шакллари заруратини белгиловчи нутқий алоқа соҳасини типологик жиҳатдан тадқиқ этиш зарурати туғилди, бу эса лисоний шахс мавжудлигини аниқлашга ёрдам беради.