Фрактал тузилишли объектларни аналитик усуллар ёрдамида геометрик моделлаштириш

Аннотация

Диссертация мавзусининг долзарблиги ва зарурати. Жаҳонда фракталлар назариясининг математик жиҳатларини тадқиқи, шунингдек, табиий жараѐнлар ва ҳодисаларни фракталлар назарияси ғояларидан фойдаланиб тавсифлаш усулларига алоҳида эътибор берилмоқда. Айниқса фракталнинг тенгламаларини қуришда фракталлар назарияси, усуллари ва тизимларидан кенг фойдаланилмоқда. Шунинг билан бирга фрактал тузилишли объектларни геометрик моделлари ва алгоритмларини, ҳамда уларни амалга ошириш усулларини ишлаб чиқиш муҳим вазифалардан бири ҳисобланади. Мазкур соҳада ривожланган хорижий мамлакатларда, шу жумладан, АҚШ, Франция, Германия, Италия, Россия Федерацияси, Хитой, Япония, Эрон, Жанубий Корея ва бошқа давлатларда фрактал геометрик шакллардан шаҳарсозлик, енгил саноат дизайнида фойдаланиш технологияларни ривожлантиришнинг назарий ҳамда амалий масалаларини ечишга катта эътибор қаратилмоқда.