Маълумотларни узатиш тола-оптик тизимларининг самарадорлигини ошириш усуллари ва қурилмалари

Аннотация

Диссертация мавзусининг долзарблиги ва зарурати. Жаҳонда спектрал самарадорликни ошириш усуллари ва қурилмалари, маълумотларни узатиш тола-оптик тизимларининг маълумотларни узатиш тезлигини ошириш алгоритмларни ва усулларини ишлаб чиқишга қаратилган тадқиқотлар олиб борилмоқда. Спектрал характеристикаларни линеризациялаш моделлари ва усулларини ишлаб чиқиш, толали оптик алоқа линияларининг диагностика қилиш, физик катталикларни ўлчаш ва назорат қилиш учун оптик толаларнинг қўлланши бўйича ишлар энг долзарб масалалар ҳисобланади. Жаҳоннинг ривожланган мамлакатларида, жумладан АҚШ, Франция, Дания, Хитой, Япония, Россия Федерацияси, Ҳиндистон, Сингапур ва бошқаларда маълумотларни узатиш тола-оптик тизимларининг самарадорлигини ошириш усуллари ва қурилмаларини ишлаб чиқиш муҳим аҳамиятга эга. Атроф-муҳит ҳарорати ўзгарганда толали оптик кабелнинг оптик параметрларини тадқиқ қилиш ҳам долзарб ҳисобланади.