YUQORI SUVLANGAN QUDUQLARDA SHTANGALI NASOS USKUNASINI ISHLATISHNING SAMARADORLIGINI OSHIRISH

Аннотация

Mazkur dissertatsiyada shtangali chuqurlik nasoslar yordamida neft qazib olishda kon quduqlarida suvlanganlik darajasining oshishi, neft xom-ashyosi tarkibida tajavuzkor muhitlarning bo‘lishi va metall sirti bilan adgezion mustahkam qatlamlar hosil qiladigan og‘ir uglevodorodlar miqdorining ko‘payishi natijalarida muhit bilan o‘zaro ta’sirda ishlaydigan texnologik jihozlar ish qobiliyatiga ta’sir etuvchi omillar o‘rganilgan. Xom ashyo neftining tarkibidagi qattiq zarrachalar miqdorini kamaytirish va nasos elementlarining mustahkamligini oshirish, neftning tarkibidagi og‘ir uglevodorodlarni haroratga bog‘liq holda o‘tirib qolishi, quduqning tubida erkin gazlarni ajralib chiqishi nasoslarning ishlatish rejimlariga ta’sir etuvchi salbiy omillarni bartaraf etish usullarini takomillashtirish ishning asosiy maqsadi hisoblanadi.