Мис эритиш печларида тошқол таркибидаги мис миқдорини камайтиришнинг асосий омилларини ишлаб чиқиш

Аннотация

Диссертация мавзусининг долзарблиги ва зарурати. Бугунги кунда дунё миқёсида ХХI асрнинг ривожланиш стратегияси «Барқарор ривожланиш моҳияти» деб ном олган бўлиб, иқтисодиётнинг ривожланиши - биосфера барқарор мувозанатини бузмаган ҳолатда, табиий иқлимни ва ривожланиб бораётган муҳитни бузмаган ҳолатда олиб борилишини назарда тутади. Бу ўринда, техноген чиқиндилар жаҳон иқтисодиёти барқарор ривожланишига тўсқинлик қилувчи муаммо сифатида қаралади. Шу нуқтаи назардан, техноген чиқиндиларни ҳосил қилувчи етакчи корхоналар сифатида рангли металлургиянинг энг жадал ривожланувчи соҳаси мис ишлаб чиқариш саноати пешқадамлик қилади. Бу ўринда техноген чиқиндиларни қайта ишлаб рангли ва нодир металларни ажратиб олиш технологияларини яратиш ҳамда амалиётга қўллаш муҳим аҳамиятга эга хисобланади.