Фарғона водийсида экотуризмни ривожлантириш механизмларини такомиллаштириш

Аннотация

Диссертация мавзусининг долзарблиги ва зарурати. Жаҳонда экологик муаммоларнинг авж олиши ва ҳавонинг ифлосланиш даражасининг Жаҳон Соғлиқни Сақлаш Ташкилоти томонидан белгиланган меъёрий хавфсизлик даражасидан 2,5 баробар ортиб кетаётганлиги атроф-муҳитга масъулиятли бўлган экотуризм(дунё туризм хизматлари бозоридаги улуши йилига 181,1миллиард АҚШ долларини, йиллик ўсиш суръати 143фоиз)ни ривожлантиришни ҳаётий заруриятга айлантирмокда. Атмосферанинг ифлосланиши ва заҳарли кимёвий воситалардан фойдаланиш оқибатида дунё миқёсида содир бўлаётган ҳар 8 та ўлимнинг биттаси (онкологик касалликлар, нафас олиш тизими касалликлари, чақалокларда нуқсонли туғилишлар) айнан экологияга дахлдор хасталиклар туфайли рўй бермокда. Атроф-муҳит ифлосланишининг олдини олишдаги энг самарали иқтисодий стратегия - бу айнан салоҳиятли ҳ удудларда экотуризмни ривожлантиришдир.