Жанубий қорақалпоғистон ойконимларининг лисоний тадқиқи

Аннотация

Диссертация мавзусининг долзарблиги ва зарурати. Жаҳон тилшунослигида предмет-ҳодиса, нарса-буюмнинг мавжудлик ифодаси, тил ва нутқда яшаш омили сифатида муҳим номинатив, коммуникатив ва услубий вазифаларни бажарадиган ономастик бирликлар тадқиқига ҳамиша эътибор қаратиб келинган. Шу нуқтаи назардан ономастика тилшуносликнинг муҳим йўналиши сифатида ривожланиб бормоқда. Бугунги глобаллашув ва жамиятдаги ижтимоий-сиёсий, иқтисодий, маънавий-маърифий, маданий ўзгаришлар бу соҳанинг замонавий илмий- назарий ва амалий йўналишларини белгилашни, махсус тўпланмаган, кам ўрганилган ономастик бирликларни муайян ҳудуд нуқтаи назаридан текширишни кун тартибига қўймоқда.