80-йиллар ўзбек шеъриятида поэтик тафаккурнинг янгиланиши ва шавкат раҳмон ижоди

Аннотация

Диссертация мавзусининг долзарблиги ва зарурати. ХХ аср жаҳон адабиѐти, хусусан, шеърияти ривожига катта ҳисса қўшган шоирлар кўп.Уларнинг ҳар бири нафақат ўзи мансуб халқ адабиѐти ва шеъриятининг, балки бутун жаҳон шеърияти, адабиѐтининг янгиланишига, юксалишига муносиб ҳиссаларини қўшди. ХХ аср шеърияти мазмунида башарият қисмати, дарди, замон нафаси, оғриқлари долзарб мавзуга айланганлиги жаҳон адабиѐтшунослигида, шеършунослигида таъкидланади. Жаҳон адабиѐтида алоҳида ажралиб кўзга ташланган асарларнинг мазмун-моҳияти, семантик ва структуал жиҳатдан янгиликлари оммага етиб боришига, айни пайтда, шеъриятнинг келажаги ва объектини белгилашда бир қанча тадқиқотлар дунѐга келди. Шеърият ва фалсафа, олам ва одам, ҳаѐт ва ўлим, уруш ва тинчлик каби умумбашарий муаммолар ХХ аср адабиѐти ва шеърияти кесимида ўрганилди.