Замонавий демократик тараққиётда ёшлар инновацион фаолиятининг роли

Аннотация

Мазкур монографияда ёшларда инновацион тафаккурни ривожлантириш ҳамда ушбу жараёнларнинг мамлакатимиз демократик тараққиётига бевосита дахлдорлиги билан боғлиқ масалалар таҳлил қилинган. Инсон омили бугунги кунда замонавий демократия қадриятлари ва маданияти ривожида ҳар қачонгидан ҳам долзарб аҳамият касб этмоқда. Зеро, юксак салоҳиятли, инновацион тафаккур қилиш ва фаолият юритиш лаёқатига эга бўлган шахслар, авваламбор, ёшлар демократия самарадорлигини оширувчи етакчи ижтимоий асос бўлиб хизмат қила олади. Тадқиқот ишида ушбу масалалар хусусида атрофлича илмий хулосалар баён қилинган бўлиб, бугунги кунда мамлакатимизда изчил амалга оширилаётган ёшлар бўйича беш муҳим ташаббуснинг жамиятимиз ҳаёти учун улкан аҳамияти билан боғлиқ жиҳатларга алоҳида эътибор қаратилган. Монография илмий тадқиқотчилар, талаба-ёшлар учун мўлжалланган.