Vobkent tumani shevasida soʻzning morfemik tarkibi

Аннотация

Shevalardagi soʻz yasalishi lisoniy ong shakli sifatida etnosning oʻziga xos turmush tarzi, sharoiti, qolaversa, tabiiy-geografik, tarixiy, madaniy-maʼrifiy omillar bilan bogʻliq holda uzoq tarixiy jarayon mahsuli sanaladi. Tadqiq etilayotgan sheva hududi morfologik xususiyatlarining oʻziga xosligi qator etnolisoniy omillar bilan bogʻliq. Xususan Buxoro hududiga fors-tojik tilining ta’siri juda kengdir. Oʻzbek va tojik xalqlari juda uzoq davrlardan beri birga yonma-yon yashab kelmoqda. Hududning yonma-yon ekanligi ijtimoiy-siyosiy munosabatlarning aralashuvidan tashqari til birliklarining almashtirib qoʻllashga shu bilan birga grammatikaning ikki til xususiyatlariga moslashishiga sabab boʻlgan. Oʻzaro munosabatlar natijasida oʻzbek tilidan tojik tiliga, tojik tilidan oʻzbek tiliga soʻzlar oʻzlashgan.