Олий ҳарбий таълим муассасалари курсантларида маънавий - ахлоқий фазилатларни ривожлантиришнинг педагогик шарт - шароитлари

Аннотация

Диссертация мавзусининг долзарблиги ва зарурати. Жаҳон миқёсида техноген цивилизациянинг тараққий этиши, ривожланган давлатлар олий ҳарбий таълим тизимидаги трансформация жараёни фақат илм-фан ва технология ютуқлари билан боғлиқ бўлибгина қолмасдан, балки ёш ҳарбий кадрларнинг маънавий-ахлоқий фазилатларини юксалтириш билан боғлиқ муаммоларни ҳал этиш заруратини ҳам юзага келтирмоқда. Олий харбий тайёргарлик жараёнида педагогик ёндашувлар ҳамда ўқитишнинг инновацион шаклларини, қадриятлилик, инсонпарварлик тамойилларини кенг жорий этиш воситасида бўлажак ҳарбий хизматчиларда маънавий маданиятни ривожлантиришнинг самарали механизмлари, нейролингвистик дастурлаштириш технологиялари, диагностик-мониторинг тизимини такомиллаштиришга катта эътибор қаратилмоқда.