Бўлажак жисмоний тарбия ўқитувчилари узлуксиз педагогик амалиётнинг ташкилий-педагогик асосларини такомиллаштириш

Аннотация

Дунё мамлакатларининг олий таълим тизимида педагогик кадрларни тайёрлашнинг муҳим омили сифатида таълимни бевосита амалиёт билан боғлиқликда олиб бориш асосида рақобатбардош мутахассисларни тайёрлаш асосий вазифа сифатида эътироф этилади. Шунингдек, ривожланган мамлакатларнинг (Англия, Германия, Франция, Жанубий Корея, Хитой, Австрия, Россия) ижтимоий тузумлари ривожланиши ва алмашиши туфайли меҳнат бозорида етук кадрларга бўлган эҳтиёжни таъминлашда, таълим тизимининг устувор йўналишларидан бири сифатида мутахассисларни касбий фаолиятга тайёрлашда уларнинг амалиётини такомиллаштириб бориш муҳим аҳамият касб этади. Айни вақтда жамиятнинг интегрaциялашаётган даврда назария билан амалиёт алоқадорлигини мустаҳкамлашга йўналтирилган тизимни жорий қилишга қаратилган ташкилий-педагогик ишлар олиб борилмоқда. Бу жараёнда ўқув-тарбиявий ишларнинг педагогика назарияси, амалиёт билан алоқадорлиги муҳим аҳамият касб этади.