ГЛОБАЛЛАШУВ ВА ИҚТИСОДИЁТНИ МОДЕРНИЗАЦИЯЛАШ ШАРОИТИДА УЯЛИ АЛОҚА ХИЗМАТЛАРИНИ САМАРАЛИ РИВОЖЛАНТИРИШ

Аннотация

Жаҳонда ахборотлашган жамият жадал шаклланиб бораётган шароитда ахборот коммуникация технологияларини ривожлантириш бугунги кундаги энг долзарб йўналишлардан бири ҳисобланади. Иқтисодиётнинг асосий секторларидан бири бўлган алоқа ва ахборотлаштириш соҳасини инновацион технологиялар асосида ривожлантириш, унинг бошқарув тизимини янада такомиллаштириш, жамиятнинг ахборотга бўлган талабларини қондириш максадида интернет, уяли алока каби янги хизматларни жорий этиш ва ривожлантириш муҳим аҳамият касб этади. АҚШ, Япония, Германия ва Буюк Британия каби ривожланган мамлакатлар ҳамда тараккий этаётган (Хитой, Ҳиндистон, Жанубий Корея) давлатлар тажрибалари кўрсатишича, бугунги кунда глобаллашув ва жамиятни ахборотлаштириш шароитида миллий иқтисодиётнинг рақобатдошлиги ва иқтисодий ўсиши, мамлакатнинг ички ва хорижий сармоядорлар учун жозибадорлиги кўп жиҳатдан ахборот инфратузилмаси ҳамда ахборот-коммуникация хизматларининг ривожланиш даражасига боғлиқ.