ADSORBENTLAR, ADSORBSIYA JARAYONLARI KINETIKASI VA TERMODINAMIKASI

Аннотация

O‘quv qo‘llanma O‘zbekiston Respublikasi Oliy va o‘rta maxsus ta’lim vazirligi tomonidan Oliy o‘quv yurtlarining 5A320402-Katalizatorlar va adsorbentlar texnologiyasi magistratura mutaxassisligida tahsil oladigan magistr talabalar uchun mo‘ljallangan. Ushbu o‘quv qo‘llanma adsorbsiya jarayonlarida ko‘p qo‘llaniladigan nazariyalar va g‘ovakli materiallarning xossalarini hisoblash modellari, tahlil qilish va qayta ishlash uchun tenglamalar, shuningdek, kapillyar kondensatsiya, fizikaviy adsorbsiya nazariyalari asoslarini o‘z ichiga olgan. Polimolekulyar adsorbsiya nazariya doirasida adsorbsiyaning differensial issiqligini hisoblashning turli xil usullari va tenglamalar ko‘rib chiqilgan. Adsorbsiya ma’lumotlari asosida g‘ovakli materiallarni tahlil qilish va qayta ishlash asoslari, eng ko‘p foydalaniladigan g‘ovakli materiallarning asosiy xususiyatlari: o‘ziga xos sirt maydoni, g‘ovaklik hajmi, g‘ovakliklarning hajmi bo‘yicha taqsimotlari, g‘ovaklik o‘lchamini hisoblash nazariyalari yoritilgan. Fan mavzularining talabalar tomonidan to‘liq o‘zlashtirilishini ta’minlash, amaliyot darslariga tayyorlanish maqsadida har qaysi bobning oxirida mavzularga tegishli masalalar keltirilgan. Mazkur o‘quv qo‘llanma adsorbsiya jarayonlari bilan bog‘liq bo‘lgan ishlab chiqarish texnologiyalarining mutaxassislari, ilmiy-tadqiqot faoliyati bilan shug‘ullanuvchilar, oliy ta’lim muassasalari professor-o‘qituvchilari hamda doktorantlar uchun mo‘ljallangan.