“MUNTAHAB AT TAVORIX” ASARINING YARATILISHI VA UNING QO’QON XONLIGI TARIXINI YORITISHDAGI ILMIY AHAMIYATI

Аннотация

Muntahab at-tavorix” — mashhur tarixchi va davlat arbobi Muhammad Hakimxon To‘ra tomonidan XIX asrning o‘rtalarida yaratilgan muhim tarixiy manbalardan biridir. Asarda Qo‘qon xonligining siyosiy, iqtisodiy va madaniy hayoti, shuningdek, uning hukmdorlari faoliyati batafsil yoritilgan. Muallif asarni yozishda bevosita guvoh bo‘lgan voqea-hodisalar, shuningdek, avvalgi tarixiy manbalardan keng foydalangan. “Muntahab at-tavorix” Qo‘qon xonligi davrining ijtimoiy-siyosiy tuzilishi, ichki ziddiyatlari, tashqi siyosati hamda xonlik hududidagi qabilalararo munosabatlarni o‘rganishda beqiyos manba bo‘lib xizmat qiladi. Asarning ilmiy ahamiyati shundaki, u Qo‘qon xonligi tarixini o‘rganish, qiyosiy tahlil qilish va o‘sha davr Markaziy Osiyo tarixidagi jarayonlarni chuqur anglash uchun asosiy yozma manba hisoblanadi.