Ўзбекистонда зирк(BERBERISL.) турларини кўпайтириш ва кўчатларини етиштириш технологияси

Аннотация

Мақолада Ўзбекистон флорасида табиий ҳолда ўсаётган зирк (Berberis L.) туркумидаги 3 та маҳаллий турлар – қорақанд зирк (Berberis oblonga),қизил зирк (Berberis integerrima),тангасимон зирк (Berberis nummularia) турларини уруғидан кўпайтириш бўйича олиб борилган тадқиқот ишларининг натижалари келтирилган. Қорақанд зиркнинг сентябр иккинчи ярмида терилган ва мевасидан ажратилгач тупроққа экилган уруғлар баҳорда энг яхши кўрсаткичга эга бўлган – 27,4% униш даражаси қайд этилган. 1 гектар кўчатзордан 850,0 минг дона уруғкўчатлар чиқиши таъминланди. Унинг 94,6% ни стандарт уруғкўчатлар ташкил этган. Қизил зиркнинг сентябр охирларида, яъни мевалар тўлиқ пишиб етилган даврда тайёрланган ва 47 кун мобайнида стратификация ыилиниб, ноябрь охирида экилган уруғлари 31,5% тупроқдан униш даражасини кўрсатган ва 1066,6 минг дона/га ялпи уруғкўчат чиқишини таъминлаган. Унинг 93,1%ни стандарт кўчатлар ташкил этган.Тангасимон зиркнинг сентябрнинг охирида терилган ва 47 кун стратификация қилиб экилган тангасимон зирк уруғларда энг юқори – 42,4% тупроқда униш даражаси қайд этилган ва 1483 минг дона/га ялпи уруғкўчат чиқишини таъминлаган. Унинг 94,7% қисмини стандарт уруғкўчатлар ташкил этган.