Jizzax viloyati

Аннотация

Ўзбекистоннинг марказий қисмида жойлашган Жиззах кадимий воҳа. Минг бир булоқлари қайнар тоғу кирлари, кўксини ҳосилга тўлдирган далаю боғлари, қадим-қадимларда қад тиклаган Қурғону работлари, табиат меҳридан яралган истироҳат боғлари билан машҳур маскан. Ҳали сиру синоати, курашларию шижоати етарли ўқилмаган, моддий ва маънавий хотиралари қаддини тиклаб улгурмаган, аждодлар маскани. Руҳи поклари бўлган обидалар қарийб "ўқилмаган" тарих. Бу тарихда не бир ғорлар. унгирлар, расм ёзувлари, шеърий ва тарихий битикларни асраган қоятошлар, қадимий шахтаю темир эритилган қолиплар, йилнинг бошланишига нисбат берган Молгузарлаги. Ўттош, Ғаллаоролдаги қуёш календари бор. Шарқ ва Ғарб ўртасида қадимий савдо-алоқа йўли ўтгани, ислом маданиятига оид табаррук обидалар қарор топганида ҳам катта бир ҳикмат бор.