Gravimetriya

Аннотация

Ushbu ma’ruzalar matni 5311500 – («Geodeziya, kartografiya va kadastr») oliy ta’lim bakalavriat yo‘nalishida ta’lim olayotgan talabalarga mo‘ljallangan. Uslubiy qo‘llanmada gravimetrik kuzatuvlarda ishlatiladigan apparatura, dala ishlar uslubiyoti, olingan ma’lumotlarni geofizik va geodezik masalalarni yechish bilan bog‘liq holda qayta ishlash va talqin qilish haqida ma’lumotlar keltirilgan. Shu bilan birga bu qo‘llanma geologiya-geodeziya yo‘nalishidagi magistratura mutaxassisligida ta’lim olayotgan talabalar uchun ham qiziqarli bo‘lishi mumkin. Ma’ruzalar matni ilgari nashr etilgan darsliklar, uslubiy ko‘rsatmalar (qo‘llanilgan adabiyotlar ro‘yxatida keltirilgan) asosida ishlab chiqilgan, bunga zarur bo‘lgan qo‘shimchalar va tuzatishlar kiritilgan. Ma’ruzalar matni oliy ta’limning geofizik tadqiqot usullari bo‘yicha o‘quv rejasiga mutanosib hisoblanadi.