Далачой (Hуperiсum perfоratum l) ўсимлиги вегетатив, генератив органларининг шаклланишига экиш усулларининг таъсири

Аннотация

Ўрмон хўжалиги давлат қўмитаси маълумотларига кўра, юртимизда 4 минг 500 дан ортиқ юксак ўсимлик турлари мавжуд. Шундан, 500 хили шифобахш хусусиятга эга бўлиб, улар замонавий тиббиётда ва халқ табобатида кенг қўлланилади. Афсуски, бугунги кунда ўрмон фонди ерларидаги 324 ўсимлик тури йўқолиб кетиш арафасида турибди. Далачой, тоғрайҳон, ўлмас-ўт, сассиқ коврак, арслонқуйруқ, қизил дўлана, қирқбўғим, зубтурум, ширинмия, дуғбўйлар шулар сирасидандир. Бу каби холатларнинг олдини олиш, табиий захираларни сақлаш мақсадида ҳар йили ўрмон хўжаликларида доривор ўсимликлар плантациялари ташкил этилмоқда. Ноёб дориворлик хусусиятига эга бу ўсимликлар табиатимизда тобора камайиб бормоқда. Унинг хусусиятларини ўрганиш ва асраб қолиш соҳа ходимлари олдидаги муҳим вазифалардан биридир. [www. blogger. Com/ profile/]. Табиатимизда доривор ўсимликларнинг тури жуда кўп. Ана шундай истиқболли ўсимликлардан бири далачой (Hуperiсum perfоratum L.) дир. Ушбу мақола далачой ўсимлигининг вегетатив ва генератив органларининг шакллантиришда экиш усулларини ўрганишга бағишланган.