Пластик поливинилхлорид асосидаги амино ва сульфогуруҳ тутган янги поликомплекс сонларнинг физик - кимёвий хоссалари

Аннотация

Диссертация мавзусининг долзарблиги ва зарурати. Жаҳон миқёсида синтетик ионалмашинувчи материалларни маҳаллий хомашёлар асосида ишлаб чиқариш, ҳамда иқтисодий самарадорликни ошириш учун олиб борилаётган ҳаракатлар ўтган ўн йилга нисбатан бир неча баробар ортган. Ишлаб чиқариладиган ионитлар ҳажми бўйича МДҲ давлатлари жаҳонда иккинчи ўринда туради ва бу ион алмашинувчи материаллар ёрдамида ифлосланган оқова сувлар тозаланади, сувнинг қаттиқлиги юмшатилади, у токсик металлардан тозаланади, саноат корхоналари учун ишлатиладиган табиий оқова сувлар ҳамда ушбу корхоналардан чиқаётган чиқинди оқова сувлар тузсизлантирилади. Ионитлар иштирокида қўлланиладиган технологиялар фақат оқова ва чиқинди сувни тозалашдагина эмас балки гидрометаллургияда қимматбаҳо ва бошқа рангли металларни ажратишда муҳим аҳамиятга эга ҳисобланади.