Оддий эманнинг ун-шудринг касаллигига қарши фунгицидларнинг таъсири

Аннотация

Сўнгги йилларда Республикамизда ўрмон хўжалиги соҳаси ривожланиб бормоқда. Давлатимиз томонидан ўрмончиликни ривожлантиришга оид бир нечта қарорлар эълон қилинди. Айниқса охирги икки йилда Орол бўйида олиб борилаётган ишлар таҳсинга лойиқдир. Барча ўсимликлар қатори ўрмон ва манзарали ўсимликларнинг ниҳол ва кўчатлари турли фитопатоген микроорганизмлар таъсирида нобуд бўлади ҳамда бошқалари ўсишдан орқада қолади. Ушбу мақолада оддий эманнинг замбуруғ қўзғатадиган ун-шудринг касаллигига қарши замонавий фунгицидларни таъсири ўрганилган. Тажрибалар очиқ дала шароитида олиб борилган бўлиб, унда баъзи фунгицидларни касалликка қарши яхши самара берганлиги, натижада касаллик тарқалиши ва ривожланиши камайганлиги ҳамда кўчатларнинг яхши ўсишига таъсир қилганлиги аниқланган. Шулардан келиб чиқиб тегишли хулосалар қилинган.