Марказий Осиёдаги маҳобатли рангтасвир асарлари

Аннотация

Марказий Осиё давлатлари, жумладан Ўзбекистон ҳудудида тасвирий санъат асарлари қадим-қадим замонлардан бошлаб яратила бошланган. Уларнинг ноёб намуналари турли маконларда энг қадими (тош, неолит, энеолит) даврлардан бошлаб то сўнгги ўрта асрларгача учрайди, улар турли усул ва услубларда,турлича ашёлар ёрдамида бажарилган бўлиб, ҳар бир асарда уша давр одамларини ҳаёти, дунёқарашлари, маълумотлари, ҳунармандчиликлари ўз аксини топган. Буларни яраталишида ҳар бир рассом ёки уларни гуруҳлари ўз даврининг имкониятига ва билим даражасига қараб маҳаллий ҳом ашёлардан фойдаланганлар. Зарур холларда амалий ва бадиий жараёнларни ўз йўлича таҳлил этиб, ўз мақсадини амалга оширган ва қимматбаҳо асарларни бажаришга муваффақ бўлганлар. Шундай қилиб бу асарларда хар бир даврнинг бадиий-технологик билим ва тажрибалари мужассамланган ва акс эттирилган. Бу тарихий билим ва тажрибаларни, усул ва услубларни, қўлланилган ашё ва воситаларни ўрганмасдан туриб, хозирги кун тасвирий санъат яратиш, ташкил этиш ва ривожлантириш мумкин эмас. Шу сабабдан ушбу курс-таъмирлаш мутахассислигини муҳим қисми сифатида Марказий Осиё ҳудудида топилган саньат асарларини ер усти ва ер остида очилган намуналари хақидаги тарихий маълумотлар, уларни яратишдаги усул ва услублар, ашё ва рангли бўёқлар, ёпиштирувчи ва боғловчи воситалар билан таништиришга мўлжалланган.