Генетик жиҳатдан узоқ юқори авлод ғўза дурагайларининг айрим биотик омилларга толерантлик даражаси

Аннотация

Мазкур мақолада эколого-географик ва генетик жиҳатдан узоқ шаклларни дурагайлаш асосида олинган юқори авлод F7 дурагайларининг лаборатория шароитида ғўза тунламига бардошлилик даражасини ўрганиш юзасидан олиб борилган тадқиқотлар натижалари келтирилган. Тажрибалар дурагайлар чигитидаги (+)-госсипол миқдорига кўра юқори ва паст госсиполли, яъни контраст ҳолда ўрганилди. Шунингдек, дала шароитида F6 дурагайларнинг гоммоз (Хanthomonas malvacearum) касаллиги билан зарарланиш даражасига чигитдаги умумий ва (+)-госсипол миқдорининг таъсири ўрганилди. Олинган тадқиқот натижаларига кўра, чигитида умумий госсипол миқдори 2,5-3,0 мг/г дан юқори бўлган дурагайлар паст миқдорда умумий госсиполга эга дурагайларга нисбатан гоммоз касаллигига толерант эканлиги аниқланди. Шу жумладан, умумий ва (+)-госсипол миқдори турлича бўлган генетик жиҳатдан узоқ F6 дурагайларнинг табиий шароитда илдиз чириш (Rhizactonia solani) патогенига толерантлик даражаси келтирилган. Эришилган натижалар чигит такрибидаги (+)-госсипол миқдорининг ушбу касалликка сезиларли таъсири мавжудлиги ҳамда дурагайлашда иштирок этган АКШ намуналари (BC3S1-47-8-1-17 ва BC3S1-1-6-3-15)ни генотипига боғлиқ равишда намоён бўлиши аниқланди. Ажратиб олинган айрим биотик омилларга бардошли бўлган оилалардан генетика ва амалий селекция жараёнларида бошланғич ашё сифатида кенг фойдаланиш мақсадга мувофиқлиги тавсия қилинган.