Ғўзанинг турлараро мураккаб дурагайларида тола чиқими ва узунлиги белгиларини ўзгарувчанлиги

Аннотация

Мақолада ғўзанинг турли геном структурасига мансуб G.thurberi Tod., G.raimondii Ulbr., G.arboreum L., G.hirsutum L. ва G.barbadense L. каби ѐввойи ва маданий турлари иштирокида турли комбинацияларда чатиштириб яратилган оилаларнинг тола чиқими ва узунликларини ирсийланиши ва ўзгарувчанлиги таҳлил қилинган. Ўрганилган дурагайларнинг тола чиқими ва узунлиги кўрсаткичлари авлоддан авлодга ўтган сари андоза С-6524 навларидан сезиларли равишда ижобий бўлиб, толанинг стандарт IV-тип талабларига тўла жавоб бериши аниқланган. Тола чиқими ва узунлиги юқори бўлган мураккаб турлараро дурагайлардан генетика ва амалий селекция жараѐнларида бошланғич ашѐ сифатида кенг маънода фойдаланиш ҳамда белгиларини янада яхшилаш ва мустаҳкамлашда белги хусусиятлари бўйича юқори кўрсаткичли маданий навлар билан беккросс чатиштиришлар олиб бориш мақсадга мувофиқлиги тавсия қилинган.