INTERFAOL DARS JARAYONIDA LOTIN TILINING GRAMMATIK QOIDALARIN

Аннотация

Maqolada lotin tilining grammatik qoidalarini o‘zlashtirish jarayonida yuzaga keladigan qiyinchiliklar tahlil qilinib, interfaol metodlar yordamida ularni yengish yo‘llari ko‘rib chiqilgan. O‘quvchilarning faolligini oshirish, grammatikani mustahkam o‘zlashtirishda interfaol usullar muhim vosita ekanligi ta’kidlangan. Maqola pedagoglarga lotin tili darslarini samarali tashkil etish bo‘yicha amaliy tavsiyalar beradi. Kalit so‘zlar Lotin tili, grammatika, interfaol metodlar, o‘qitish, dars jarayoni, ta’lim samaradorligi. Muammoning dolzarbligi Lotin tili o‘rganish jarayonida grammatik qoidalarni egallash har doim ham oson kechmaydi. Ayniqsa, bu tilning morfologik va sintaktik qoidalari murakkabligi o‘quvchilar uchun katta qiyinchilik tug‘diradi. An’anaviy o‘qitish usullari ko‘pincha passiv va nazariy bo‘lib, o‘quvchilarni grammatika qoidalarini yodlashga majbur qiladi, bu esa ularda qiziqishning kamayishiga, mavzuni to‘liq anglab yetmaslikka olib keladi. Shu bois, interfaol metodlar qo‘llanilishi hozirgi zamon ta’limida dolzarb hisoblanadi, chunki ular o‘quvchilarning darsga faol jalb etilishiga, mustaqil fikrlashga rag‘batlantiradi va grammatikani amaliyotda qo‘llashga yordam beradi.