Янки ва қирол Артур

Аннотация

Ушбу қиссада тилга олинадиган қўпол қонун-қоидалар ҳамда урфу-одатлар тарих ҳақиқатига молик ва уларни ойдинлаштирувчи воқеалар тарих кўзгусида қай тарзда акс этган бўлса, шундай баён эттирилган. Муаллиф, бу қонун-қоидалар айнан олтинчи асрда Англияда қабул қилинган эди, деб даъво этмоқчи эмас, йуқ, у шуни қайд этмоқчики, бу каби қоидалар, кейинроқ бўлса ҳам, Англия ва бошқа мамлакатларда мавжуд бўлган экан, туҳматчи, деган ном орттиришдан қўрқмай, ушбу қонун-қоидалар олтинчи асрда ҳам бўлган, деб тахмин қилиш мумкин. Зеро, тасаввуримиздаги қонун ёки удум узоқ ўтмишда мавжуд бўлмаган бўлса ҳам, бошқа қонун ёки удумлар мавжуд эди, дейишга етарли асос бор.