Конфигурациясига қаттиқ чеклашлар қўйилган панжарали системаларнинг ГИББС лимит ўлчовлари

Аннотация

Ҳозирги кунда физика, статистик механика моделлари учун трансляцион-инвариант, даврий, кучсиз даврий ва бошқа Гиббс ўлчовларини қуриш муҳим аҳамият касб этмоқда. Бу борада мақсадли илмий тадқиқотларни, жумладан, қуйидаги йўналишлардаги илмий изланишларни амалга ошириш муҳим вазифалардан бири ҳисобланади: берилган гамильтониан учун Гиббс ўлчови мавжудлигини аниқлаш, барча бундай ўлчовлар тўпламининг структурасини таҳлил қилиш, ҳароратнинг фаза алмашишини таъминловчи критик қийматларини аниқлаш.