O'zbek "Alifbe" darsliklarining tarixiy taraqqiyoti va metodik asoslari

Аннотация

Monografiyada boshlang‘ich sinfda o‘quvchisining kelajakdagi taraqqiyotini belgilab beruvchi ruhiy, ta’limiy-tarbiyaviy asos yaratiladi. Xususan, barkamol avlod savodxonligi alifbe darsliklarining ta’limiy-tarbiyaviy sifat darajasiga bog‘liq. Bu esa o‘tmish ma’rifatparvarlarining darslik yaratishga oid tajribalarini kengroq o‘rganishni talab etadi. Chunki zamon talablariga javob beradigan darsliklar ularning vorislaridir. Tarixiy takomillashuv jarayonida alifbe darsliklari mazmuni va tuzilishiga savodga o‘rgatish usullarining almashinuvi, ta’lim-tarbiyaga oid ijtimoiy-g‘oyaviy talablarning turli-tuman shart-sharoitlari chuqur ta'sir ko‘rsatdi. Ushbu talablar natijasida darslikka tatbiq etilgan samarali usul va vositalardan voz kechish holatlari ham vujudga keldi. Binobarin, alifbe darsliklarini an’anaviylik va novatorlik nuqtayi nazaridan qiyosiy tahlil qilish, ularning tarixiy, ta’limiy taraqqiyotini belgilash, alifbe darsliklarida tayanilgan didaktik tamoyil va mezonlarni aniqlash nafaqat nazariy, balki amaliy jihatdan ham o‘ta dolzarbligini belgilaydi.