Мусиқа таълимида Бухоро фольклор қўшиқларини ўргатишнинг илмий-методик хусусиятлари

Аннотация

Жаҳонда мусиқий оҳангни англаш, мусиқий асарлар мазмунини тушуниш шахс эстетик ҳис–туйғуларини тарбиялаш, ижтимоий борлиққа нисбатан масъулиятли ёндашув кўникмаларини ўрганишга алоҳида эътибор қаратилмоқда. Айниқса, маданий мерос хазинасидан бири милий мусиқа бўлиб, у халқ анъаналари ва урф-одатлари билан узвий уйғунликда, миллий маданият намуналари билан бир қаторда авлоддан-авлодга ўтиб келмоқда. Шу нуқтаи назардан қараганда миллий мусиқа таълим тараққиётининг ўта муҳим омили бўлиб, янги тарбия тизимининг амалга оширилишида ҳамда таълим жараёнининг самарадорлигини таъминлашда муҳим аҳамият касб этади.