O’zbek romanlarida psixoanalitik hodisalarning badiiy talqini

Аннотация

Milliy istiqlolga erishilishi barcha sohalarda bo`lgani singari adabiyotshunoslikda ham sho`ro davri tajribalariga yangicha ko`z bilan qarash imkonini berdi. Shuni natijasi o`laroq, keng ko`lamda bo`lmasa-da, milliy adabiyotshunoslikda so`z san`ati namunalariga biografik, germenevtik, struktural, semiotik, psixoanalitik yondashuv tamoyillari ham ko`zga tashlana boshladi. Bu ma`lum bir badiiy asarni turlicha talqin qilish, so`z san`atining oxirigacha kashf etish mushkul bo`lgan sirlarini birmuncha ochish, yozuvchining mutafakkir va so`z san`atkori sifatidagi yutuqlarini kashf etish imkonini beradi. Mazkur dissertatsiyada birinchi marta milliy romanlar psixoanalitik jihatdan yaxlit holda tadqiqot doirasiga tortildi. Romanlar tadqiqiga kirishishdan oldin psixoanalizning mohiyati va asosiy tushunchalari tavsiflandi, psixoanalizning asoschisi Zigmund Freyd va uning izdoshlari qoldirgan ilmiy-madaniy meros haqida obzor berildi.