TABIIY FANLARNI KLINIK HOLATLAR ASOSIDA O‘RGATISH: PBL (PROBLEM BASED LEARNING) METODIKASI

Аннотация

Bugungi kunda tibbiy yo‘nalishda tahsil olayotgan talabalar uchun tabiiy fanlarni oddiy nazariy ma’lumot sifatida emas, balki amaliyot bilan bog‘liq holda o‘rganish muhim ahamiyat kasb etmoqda. Shu nuqtai nazardan, muammo asosida o‘qitish (Problem-Based Learning — PBL) metodikasi o‘zini oqlayotgan usullardan biri hisoblanadi. Ushbu maqolada PBL yondashuvining mohiyati, uni tabiiy fanlarni o‘qitishga qo‘llash imkoniyatlari va klinik holatlar asosidagi o‘quv jarayonining samarali jihatlari haqida so‘z yuritiladi. Maqsad — talabalarda mustaqil fikrlash, tahlil qilish va real kasbiy muammolarga yechim topish ko‘nikmalarini shakllantirish yo‘llarini ko‘rsatish. Kalit so‘zlar Problem asoslangan ta’lim, tabiiy fanlar, klinik holatlar, tibbiy ta’lim, integratsiyalashgan yondashuv, amaliy ko‘nikmalar, tahliliy fikrlash. Muammoning dolzarbligi Tibbiy ta’limda ko‘p hollarda tabiiy fanlar – masalan, biologiya, kimyo yoki fiziologiya – nazariy ma’lumotlar sifatida o‘qitiladi. Bu esa talabalarda o‘rgangan bilimlarni amaliy faoliyatda qo‘llashda qiyinchilik tug‘diradi. Aslida esa, ushbu fanlar shifokorlik faoliyatining poydevori sanaladi. Talaba ularni nafaqat yodlab, balki tushunib, hayotiy vaziyatlarda qo‘llay olishi zarur. Shu bois, darslarni real klinik holatlar asosida olib borish, o‘qitish jarayoniga jon bag‘ishlab, talabani faol ishtirokchiga aylantiradi. Aynan PBL metodikasi bu borada eng samarali yondashuvlardan biri bo‘lib, zamonaviy tibbiy ta’limda unga bo‘lgan ehtiyoj ortib bormoqda.