NEFT-GAZ KONLARI ASOSIY KOʻRSATKICHLARINI ANIQLASH VA BASHORATLASHNING ALGORITMIK MODELLARI TAHLILI

Аннотация

Ushbu maqolada g‘ovak muhitlarda joylashgan neft va gaz konlarining asosiy ko‘rsatkichlarini aniqlash hamda ularning rivojlanish istiqbollarini baholashda qo‘llaniladigan bashoratlash modellarining nazariy va amaliy jihatlari tahlil qilinadi. G‘ovak muhitlar — geologik tuzilmalarning muhim komponentlaridan biri bo‘lib, ular orqali uglevodorodlar to‘planadi va harakatlanadi. Ushbu strukturalarning fizik- mexanik xususiyatlarini chuqur o‘rganish, qazib olish samaradorligini oshirish hamda zaxiralarni aniq hisoblashda muhim ahamiyat kasb etadi. Tadqiqotda zamonaviy bashoratlash algoritmlari, shu jumladan sun’iy intellekt asosidagi model va statistik regressiya metodlari solishtirilib, ularning aniqlik darajasi va qo‘llanilish samaradorligi baholanadi. Maqolada ilg‘or xorijiy va mahalliy tajribalar tahlili asosida bashoratlash modelining struktura elementlari ishlab chiqilgan va u real kon ma’lumotlari asosida sinovdan o‘tkazilgan. Natijalar g‘ovaklik, o‘tkazuvchanlik, bosim, harorat va gaz-moy nisbati kabi omillarning o‘zaro bog‘liqligi va bashoratlashdagi roli haqida asoslangan xulosalar chiqarishga imkon berdi. Ushbu ilmiy ish energetika sohasidagi samarali qarorlar qabul qilish, konlarni ekspluatatsiya qilish strategiyalarini ishlab chiqish hamda investitsion tahlil jarayonlarini optimallashtirishda foydali bo‘lishi mumkin. Kalit so‘zlar: g‘ovak muhit, neft koni, gaz koni, bashoratlash modeli, o‘tkazuvchanlik, zaxiralarni baholash, sun’iy intellekt, geofizik ma’lumotlar.