Рух нитратининг бир турли ва аралаш лигандли координацион бирикмалари синтези,тузилиши ва хоссалари

Аннотация

Жаҳонда металл тузларининг амидлар билан координацион бирикмалари синтезини амалга ошириш ва юқори самарали комплекс таъсирга эга биологик фаол моддалар ва стимуляторлар синтез қилишнинг оптимал усулларини ишлаб чиқишни ривожлантириш бўйича изланишлар олиб борилмоқда. Бу борада ўсимликларнинг вегетатив даврини қисқартириш, уларнинг ҳосилдорлигини оширувчи стимуляторлар яратишнинг илмий ечимларни асослаш, жумладан, рух ионининг айрим амидлар, никотин ва бензой кислоталар билан комплекс бирикмаларини синтез қилишнинг қулай шароитларини ишлаб чиқиш, уларни таркиби, тузилиши ва физик-кимёвий ҳамда биологик хоссаларини аниқлашга алоҳида эътибор берилмоқда.