Инглиз ва ўзбек тилларида соматизмларнинг семантик-прагматик тадқиқи (Фольклорнинг кичик жанрлари мисолида )

Аннотация

Жаҳон тилшунослигида инсон тана аъзоларини ифодаловчи соматизмларнинг келиб чиқиши, лексик-семантик, когнитив-прагматик, стилистик хусусиятлари тўғрисидаги тадқиқотлар қадимдан то ҳозирга қатор тилшуносларни қизиқтириб келганлиги кузатилади. Уларнинг нутқда воқеланиш жараёнидаги денотатив ва коннотатив маънолари, лингвостилистик, концептуал хусусиятлари, диахрон ҳамда синхрон кўринишларини семантик прагматик жиҳатдан чоғиштириб ўрганиш ҳар бир тилда соматизмлар миллий тил соҳибларининг маданий ҳаёти, турмуш тарзи, эътиқодий қарашлари, психологияси билан узвий боғлиқликда шаклланиб, ривожланиб борганлигини асослашда муҳим аҳамият касб этади. Дунё тилшунослигида соматизмлар алоҳида лексик-семантик гуруҳ сифатида тан олиниб, уларнинг структур-семантик ҳамда коммуникативпрагматик жиҳатлари, нутқда воқеланиш механизмлари, уларнинг транслотологик хоссалари кенг кўламли тадқиқотларда ёритилган