Рух нитратининг бир турли ва аралаш лигандли координацион бирикмалари синтези тузилиши ва хоссалари

Аннотация

Дунёда металларнинг амидлар билан янги координацион бирикмаларини синтез қилиш ва уларнинг хоссаларини аниқлаш назарий ва амалий жиҳатдан муҳим аҳамият касб этади. Бугунги кунда бундай координацион бирикмалардан тиббиётда биологик фаол моддалар, антиоксидантлар, қишлоқ хўжалигида стимуляторлар ва саноатнинг турли тармоқларида фойдаланиш орқали юқори самарадорликка эришилмоқда.Жаҳонда металл тузларининг амидлар билан координацион бирикмалари синтезини амалга ошириш ва юқори самарали комплекс таъсирга эга биологик фаол моддалар ва стимуляторлар синтез қилишнинг оптимал усулларини ишлаб чиқишни ривожлантириш бўйича изланишлар олиб борилмоқда. Бу борада ўсимликларнинг вегетатив даврини қисқартириш, уларнинг ҳосилдорлигини оширувчи стимуляторлар яратишнинг илмий ечимларни асослаш, жумладан, рух ионининг айрим амидлар, никотин ва бензой кислоталар билан комплекс бирикмаларини синтез қилишнинг қулай шароитларини ишлаб чиқиш, уларни таркиби, тузилиши ва физик-кимёвий ҳамда биологик хоссаларини аниқлаш муҳим вазифалардан ҳисобланади.