Нитробензой кислота изомерлари,этилендиамин ва этаноламинлар асосидаги, металл ҳамда молекуляр комплексларнинг синтези ва тузилиши

Аннотация

Бугунги кунда дунё амалиётида биологик фаол моддалар билан 3d-металларнинг комплекс бирикмалари фунгицидлар, микробларга қарши воситалар ва ўсимликларни ўстирувчи стимуляторлар сифатида кенг қўлланилмоқда. Ушбу гуруҳ координацион бирикмалари жуда кўп сонли металл атомлари тутиши ҳисобига алоҳида кластерлар ҳосил қилиш хусусиятига эга бўлиб, турли моддаларни тирик организмларда ташувчилар сифатида ҳам қўлланилиши мумкин.Жаҳонда олимлар томонидан ароматик карбон кислоталарнинг ҳосилалари асосида синтез қилинган комплекс бирикмалар орасида биологик фаол моддалар аниқланганлиги, уларни халқ хўжалигининг кўпгина тармоқларига самарали татбиқ қилиниши ушбу йўналишнинг долзарблигини кўрсатади. Шунинг учун бензой кислотанинг нитро-ҳосилалари, этаноламинлар ва этилендиамин асосида металл ва молекуляр координацион бирикмалар синтезини амалга ошириш ва уларнинг биологик фаоллигини тахлил қилиш бугунги кунда долзарб муаммолардан бири ҳисобланади.